पुणे : पंढरपूर वारीसाठी श्री संत ज्ञानेश्वर माऊलींच्या पालखीसोबत असणारे मानाचे अश्व पुण्यात आल्यानंतर श्रीमंत दगडूशेठ हलवाई गणपतीला मानवंदना देणार आहेत. सलग तिसऱ्या वर्षी हा कार्यक्रम होत आहे. रविवारी, २३ जून रोजी संध्याकाळी साडे सहा वाजता हा सोहळा होणार आहे.
कर्नाटकमधील अंकली येथून शितोळे सरकार यांच्या मालकीच्या या दोन अश्वांचे रविवारी पुण्यात आगमन होणार आहे. या वेळी दगडूशेठ हलवाई सार्वजनिक गणपती ट्रस्टचे पदाधिकारी आणि अश्वांसोबत असणारे शितोळे सरकार आदी मान्यवर उपस्थित असतील.